[A:511]rdung mi shes rnga gog yod tshad gshog /gar 'cham mi shes rkang pa mes tshig 'dra/ /yi ge mi shes smyu gu mdung las ring / /gtam bshad mi shes lkug pa mgo gcig yin/ /de sogs ngo mtshar rnam thar dpag med 'di/ /sa skya'i grub thob smyon pa dmu med pa/ /dbang sdud snying po gang gi rtogs brjod yin/ /'di 'dra 'jig rten khams na ches rab dkon/ /ces gsungs pa rnams ni/ 'jam dbyangs sa paN gyis/ blun po'i yon tan khar 'byin te/ /mkhas pa'i yon tan khong du sbed/ /ces dang / chu phran rtag tu ku co che/ /rgya mtsho ca co ga la sgrog /ces sogs gsungs pa bzhin/ gzhan gyi yon tan chung ngu la'ang chen por lta ba/ rang nyid kyi yon tan ji ltar che rung rtag tu dman cha 'dzin pa rgyal sras byang chub sems dpa' rnams kyi rnam thar shin tu bsngags pa'i yul te/ skyes bu dam pa yin par mdzad spyod de dag las rtogs pa'i phyir ro/ /de rnams ni chu lug nag zla'i tshes dgur 'khrungs pa nas sa sbrul sa zla'i bar gyi rnam thar rags tsam ste zhib cha sa chen kun blo'i rnam thar bzhin lo khams so sor mthar chag 'god par mdzad tshul zin bris sogs med cing ma gsal bas 'ol tshod 'god ma nus pa bcas/ gzhan du 'gro mgon 'di nyid kyi mdzad 'phrin rab 'byams sngags 'chang chen po dang / a mes zhabs rnam 'dren kun blo sogs dang mtshungs par shes par bya'o/ /de ltar bstan pa dang sems can gyi don sogs rgya chen mdzad pa rnams la thugs dgongs rdzogs shing