[A:519]mkha' spyod ma'i byin rlabs gsan kyang slar byin rlabs che bas bla ma ngag dbang rin chen nyid la bskyar nas gsan tshul dang / dus phyis 'jam dbyangs mkhyen brtse dbang pos bla ma de nyid la bskyar ldab tu gsan pa sogs grub pa'i dbang mor bzhugs shing / sku tshe yang ring po bzhugs pas rin pho'i rmo'u drung du grags pa de nyid gshegs pa'i nang rten nA ro mkha' spyod ma'i snang brnyan rin chen gnyis pa las grub pa'i sku rgyan sogs 'gran bral da lta lha chen khyams stod na bzhugs pa 'di'o/ /'dir smras pa/ 'og min gnyis pa dpal ldan sa skya 'dir/ /bla chen gong ma spyi dang khyad par du/ /sngags 'chang chos rje a mes zhabs sogs dang / /bye brag sa chen kun blo yab sras kyi/ /rnam thar gson dang bcos min dad pa 'phel/ /de ltar bsams kyang yi rang mi bskyed na/ /re zhig srid las thar ba'i skabs med phyir/ /zhim rgu zos la bde bar gnyid byos shig /ci byed yid ches dad gsum 'phel 'gyur rnams/ /bde nas bde bar ring po mi thogs par/ /rnam grol go 'phang mchog la reg gyur te/ /bslu med rgyu dang 'bras bu'i dngos po'i gshis/ zhes bar skabs kyi tshigs su bcad pa'o/ /
4 pad ma bdud 'dul dbang phyug
de lta bu'i yab rje dpal ldan chos skyong ngam/ 'gro mgon dbang sdud