[A:520]snying po'i gsang yum ngo mar gdung sras ma byung zhing / de rjes rta nag rang byon pa'i sras mo bgres gzhon gnyis las snga ma la gdung rigs gsum tsam byon pa las/ gcen po padma bdud 'dul dbang phyug gam mthu stobs bstan 'dzin bzang po ni/ yum gyi lhums su bzhugs pa'i tshe'ang yab rje dbang gi mtshan can nyid kyi mnal ltas su/ sa chen rdo rje 'chang kun dga' blo gros de nyid kyi yab rje nyid la bcom ldan 'das rdo rje phur pa'i dkyil 'khor du dbang bskur bstsal ba shar ba dang / yum gyi mnal ltas su gzim sbug thos bsam 'brug sgra'i gzhi thams cad li khrir 'char ba gzigs pa dang / dpon slob lnga rig pa kun dga' bkra shis kyi mnal ltas su yab rje kun dga' blo gros de nyid na bza' sku sbyar dri ma med pa gsol te/ phun gling de nyid kyi skas thung 'og tu mjal nyams dang phyag mdzad nas yab rje gar phebs zhus pas/ ngos phun tshogs gzim spyil du 'gro gsungs te/ thogs med byon pa 'khrungs pa dang bcas/ yab rje dbang sdud snying po de nyid dgung grangs sum cu pa dang / yum rang byon ma skal bzang lha yi bu khrid 'chi med tshe dbang de nyid las/ chu pho byi ba'i lo bdag cag gi ston pa bltams pa dang mngon par sangs rgyas pa dang / mya ngan las 'das pa dus gsum tshang ba'i sa ga zla ba'i tshes bco brgyad nyin re gza' lha'i bla ma zla skar chu stod dang 'phrod pa'i dus phyi ma phyed la gzim chung phun tshogs gling du yum la gnod pa med pa 'ja' 'od dang me tog gi char sogs ngo mtshar ba'i ltas