[A:531]phyogs la dga' ba'i the'u rang sogs bar chad byed par rtsom pas/ srung 'khor la 'bad 'bungs dgos lugs gsungs pa bzhin mdzad pas skabs shig kyang sngar bzhin thal byung du gzigs snyam dang / skor lam phyogs nas bud med bco lnga rje btsun rdo rje bdag med ma'i rtsa sngags 'dren zhing 'gro ba gzigs pa sku gam na gnas pa rnams la nged kyi 'di bzhin mthong ba bskor lam phyogs na ji 'dug ltos shog gsungs pa/ khams mo bco lngas dbyangs 'then bzhin 'gro 'dug mthong tshul zhus pa rnams bla ma kun bkras mchog la'ang dogs sel zhus/ lan du 'di ni shin tu bzang ste/ khyed nyid dges pa rdo rje'i rnal 'byor la/ bdag med lha mo bco lngas bskor ba byed pa yin sogs gsungs/ yang skabs shig 'od gsal gyi ngang nas bcom ldan 'das kyai rdo rje rtsa zhal baiDUrya dwangs pa'i mdog lta bu sngon du gzigs shing / de nas je gsal je gsal gyis g.yas g.yon gyi zhal lhag ma rnams dang / phyag zhabs rgyan cha lugs rnams nas me ris bar ji bzhin gzigs rgyu yin pa la/ zhabs 'bring pa zhig gis gzim sgo phyes te sku mdun du byung bas gzigs snang de bzhin 'gags pas shin tu 'phangs pa 'khrungs pa ni/ 'jam mgon a mes zhabs sogs sngon byon gong ma'i rnam thar dang mtshungs pa kho nar nges shing / 'on kyang yongs rdzogs rang ma gzigs pa ni cung zad bar chad rnam pa 'dra ba dang / yang skabs shig 'od gsal ngang nas lag pa dmar mdangs can zhig la 'khor lo yig 'bru can zhig 'khor ba/ nan