[A:532]gyis gzigs pa na/ gzigs shig pa'i brda lta bu'i 'khor lo ma 'khor ba sdod pa la thugs zhib gnang bas/ dmag bzlog gi gdams pa khyad par can gzigs tshul nang chen bla ma dpal bzang 'phrin las kyis mdzad pa'i rje nyid kyi rnam thar tshigs bcad ma dang / gsungs rgyun las kyang byung ba don du dmag sogs g.yul bzlog gi man ngag khyad par can zhig rje nyid la lhag pa'i lha yis gnang ba'i nye brgyud cig bzhugs par grags pa sogs mtshan ma'i bsnyen pa rab 'bring tha gsum las/ yi dam lha yi zhal mthong zhing gdams pa khyad par can bstsal ba ni mtshan rtags rab ste/ 'phags yul gyi grub chen birWa pa sogs dang mtshungs par mngon no/ /de lta bu'i mtshan rtags grangs kyi bsnyen pa kha skong bcu cha'i sbyin sreg dang bcas pa mthar phyin nas/ bla ma gong ma'i dus mchod rnams kyi rdo rje slob dpon dang 'brel/ gdul bya skal ldan rnams smin grol gyi lam bzang la bkri ba sogs sngon byon gong ma'i phyag len bzhin nyams med mdzad pa dang gzhan yang snga phyi ma nges par bsnyen sgrub mdzad pa ni/ phyag rdor/ 'byung 'dul/ rdo rje phur pa/ gur zhal sogs yi dam chos srung rnams kyi dus grangs mtshan ma'i bsnyen pa rnams sku gzhon nu'i dus nas mthar phyin pa sgrub par mdzad nas gdan sa chen po 'di nyid na bzhugs pa'i/ phur sgrub chen mo'i dus mdos/ rdo rje phur pa dang / chos skyong gur zhal sogs kyi gtor bzlog bcas kyi rdor slob sogs phyag len rnams 'gan bzhes gnang bas kun la dwangs ba 'dren pa dang de ltar