[A:534]su grags pa dang / dus chen nyin lho byang chos lhun tshogs yongs bcas la 'bras 'jam skyo ma sogs sde snon zab ma'i thog gser 'gyed/ dus chen gzhan gnyis la ja thug gdan snon gong 'dra la/ 'gyed med pa deng skabs dus chen du grags pa 'di rnams gsar 'dzugs mdzad/ gzhan zla dus bla mchod tshes mchod zhes pa dang phyi lo dus mchod skabs gser dngul bkra ma'i byang chub mchod rten sku rgyan nang gzungs bcas khyad par du 'phags pa rig 'dzin lha khang du bzhugs pa 'di sogs gsar bskrun mdzad de/ yab rje rdo rje 'chang de nyid kyi dgongs pa chos kyi dbyings su rdzogs thabs rgya cher mdzad do/ /de nas mi ring bar mdzod pa sogs sne mo ba rnams mol te/ sa skya pa'i bstan srid kyi rtsa ba gdung rabs rin po che'i phreng ba srid mtha'i bar du 'byon 'gyur gyi rtsa ba khab bzhes mdzad par zhus te/ sngon dus dpal ldan grub thob 'dar 'phyar ru ba'i rigs rgyud gsang sngags rnying ma'i rig 'dzin snying ri ba'i sras mo sku mched gnyis char gyi gzung mar phul te gsang sngags zab mo'i dkyil 'khor du smin par mdzad de mtshan padma bu khrid du gsol nas las rgyar bsten pa las/ ring min gdung sras zhig 'khrungs rtags bzang ba dang bcas byung ba/ mtshan ngag dbang mthu stobs dpal 'byor du gsol te/ 'khrungs ston dus mdos zab ma sogs sngon lam bzhin dga' ston rgya cher mdzad cing ring min rgyud ston/ phur sgrub sogs la'ang phebs thub pa bcas/ yab rje sku mched kyi thugs rten snying dang