[A:533]thos bsam sgom gsum gyi thugs rgyud sbyangs te 'chad rtsod rtsom gsum dang mkhas btsun bzang gsum gyi sgo nas rgyal bstan spyi bye brag la phan bde'i sri zhu ji ltar mdzad tshul bsam las 'das kyang / mdo tsam smos na/ rje nyid dgung grangs bco lngar phebs skabs tsam la yab rje rdo rje 'chang nyid khri 'dzin dgongs zhu mdzad de/ gang gi rigs sras rnam gsum chos khri che 'don mdzad tshul gong bzhin dang / lhag par rje nyid bla chen 'phags pa rin po ches bzhugs khri padma can la mnga' gsol te gdan sa chen po 'di nyid kyi chos srid kyi khur gang yod 'bogs par mdzad de/ yab rje nyid kun spang bya bral gyi spyod pas bla ma gong ma'i dben gnas sgrub phug rnams su thugs dam kho na la gzhol mur sa sbrul zla ba bzhi pa'i tshes bcu drug la spur dkar gzhis su gzugs sku'i bkod pa chos dbyings su bsdus tshul bstan skabs/ dgongs rdzogs rnams ji ltar sgrub par mdzad tshul sogs gong yab rje dbang sdud snying po nyid kyi rnam thar skabs rags tsam smos pa bzhin dang / lo ltar gyi dus mchod du nyid kyi dbu bla kun bkras dang / yab rje'i sku mched e waM bzang po rnams kyi sku mchod du chos sde byang pa tshogs yongs nas kyai rdor man ngag lugs kyi sgrub mchod tshugs grol dgu la nyin bar ma cho ga gnyis re mdzad srol snga thog gi phyag len bcas khyon sta gon ma the ba'i dngos chog bco lnga/ nyin dang po tshogs chen la/ bla mchod bcas par phyag cha mchod chas rtse gzhung nas bsnyen bkur bcas zab ma/ deng skabs sgrub mchod zab bzhes