[A:536]grub pa'i yid bzhin 'khor lo'i snang brnyan bcas khru tsam mdzod spu prog zhu sogs rin po che'i phra rgyan du mas spras pa gsar bskrun dang / yab rje nyid nas sde dge sa skyong tshe dbang rig 'dzin la zhal mngags mdzad pa'i/ 'phags pa gzungs grwa lnga'i snang brnyan bzhugs khri rgyab yol bcas gser zangs las grub pa/ gzhan yang sman 'dam byin can las grub pa'i bla ma yi dam sangs rgyas byang sems sogs kyi snang brnyan rnams phal cher zhal gro lha khang bzhin bzhugs pa dang / gtsug lag steng mar brag ri bkod legs khrod du thub dbang gnas bcu rnams/ zhal gro lha khang steng ma bzhin bzhugs pa'i bla sku rnams dang bcas bzhugs pa la/ sa rgyan gnam rgyan gso bzang 'ba' zhig las bskrun pa mchod rdzas gser srang zhe gnyis las bskrun pa'i gser kong snang ba rab 'byams kyi gtsos pa'i/ nor shel dngul sogs rin chen khams las grub pa'i ting phor dkar chas sogs ngo mtshar can du ma/ gzhan yang sku brnyan rnams la na bza' bzhugs gdan sogs bzang gos kho na las bskrun pa lha khang rten dang brten pa'i mtshan du'ang phun tshogs zhabs brtan lha khang / dge legs rgya mtsho'i 'byung gnas rigs gsum gdung rabs char 'bebs su mtshan gsol bar mdzad/ de'i nub mgon khang log 'dren tshar gcod rigs gsum gdung rabs char 'bebs kyi rten gyi gtso bo/ bstan srung kun gyi sde dpon rdo rje nag po chen po gur gyi mgon po'i snang brnyan thog so gang tsam pa sman 'jim las grub pa/ byin rlabs kyi