[A:537]gzi 'od 'bar ba 'di la gzungs gzhug ring bsrel rnam bzhi thun mong dang thun mong ma yin pa/ gri snying srog 'khor lcags rdor sogs cha tshang bzhugs pa 'di skabs mgon khang nub kyi rgyab tu khams pa tsho cig mtshon thogs 'khrug shor gyis gcig gri 'og tu shi ba'i gri snying man ngag bzhin sgrub pa/ gang gi thugs kar bzhugs pa la rab gnas thun mong ba sngags 'chang chen po'i rab gnas dngos grub 'byung gnas kyi mjug bzhin dang / thun mong ma yin pa mgon po'i man ngag nas byung ba'i rab gnas zhag bdun mar grags pa sogs mdzad/ gzhan yang yi dam bde kyai phur pa/ chos srung rnams sman byin las grub pa'i spar sku rnams dang / zhal shar gzigs la dmar po skor gsum gyi sku brnyan mi gzugs tsam/ sa chen kun blo'i sku dus bzhengs par mdzad pa'i tshom bar mgon khang du bzhugs pa bzhin/ gsar bzhengs rnams la spyi bye brag gi gzungs gzhug bcas byin rlabs kyi gzi 'od 'bar ba rnams la gnam rgyan sa rgyan/ chos srung rnams kyi mdun spyan gzigs/ gtor ma rnam gsum sogs drug ldan gyi mchod rdzas bcas bzhugs pa rnams kyi pho brang rtse mor gser zangs kyi gser 'bru rgyal mtshan mgon khang steng chos srung gur zhal sogs kyi ru mtshon rnga thug bcas mtshan nyid dang ldan pa/ so so'i rab gnas bcas legs par zin pa rnams la rab gnas dngos gzhi yab rdo rje 'chang sku mched dang / zur bzhugs mkhan chen kun dga' dpal bzang / drung rams pa blo gros chos