[A:539]gza' tshes dge bar/ sgo rum ye shes mgon por lam gtor gnang zhing / grol 'phral mchod zhing bya 'dra ma'i steng spro khang phying gur mjal gur/ phyag gnyer ban tshang pa gsol gzim sogs kyi shag gur sogs sgar gra bsgrig par phebs pa sku 'khor rnams bla brang zam khar phebs pa dang dus mnyam/ sgo rum phyogs nas bya rog mang pos skad snyan sgrog bzhin par gshog rdeb dang bcas bzhugs sgar gyi g.yas g.yon du babs pa/ sgar pa tshang mas da ni chos skyong srung ma rnams kyang rang re rnams kyi cha la phebs pa da lan phebs 'grul la bar chad med cing / mthun rkyen 'bad med lhun grub tu yong rgyu yin 'dug zer ba byung zhing / de nas chibs bsgyur nye ba na/ phun gling tshoms chen du lho byang 'dus tshogs la/ skyabs khri padma'i mtshan can nyid nas bka' bsgyur du ngos rnams dbus 'grul ma 'khor bar sgrig lam kun spyod rnams thud shor med par mdzad ngos/ ngos rnams bstan 'gro'i phan bde 'byung ched du 'gro ba lags na/ bya ba thams cad bsam bzhin 'grub pa'i thugs smon dus rtag tu mdzod cig rang cag rnams myur du mjal yong gsungs pas/ dge 'dun phal che ba zhig spyan chab kyang bsil/ slar yang dam pa 'di nyid nas slad nas 'dus byas thams cad mi rtag pa/ tshong 'dus mgron po dang 'dra/ dngos po za zir 'di ni rmi lam lta bu/ rnam pa chu shing gi 'bras bu dang 'dra la/ 'on kyang da lan gnas skabs ma gtogs phugs nas rang re mjal bas/ de tsam gyi thugs ngal ma mdzad par sku khams bde mor bzhugs