[A:538]dar/ dbu zur dam chos don ldan sogs de skabs kyi dge bshes sku yon can rnams dang / ban tshang 'dus tshogs dang bcas nas dges pa rdo rje'i dkyil 'khor sgrub mchod dang 'brel ba'i rab gnas rgyas pa nyin gsum ma/ zhi rgyas kyi sbyin sreg dang bcas pa grol nyin/ phyi bskor la me tog 'thor ba/ lha chen glo sbur la gos sku zhal phye mchod tshogs rab 'byams dang / dge 'dun gyi sde dang / mnga' zhabs rnams la 'gyed sogs dga' ston gyi rim pa sngon byon gong ma'i bzhed srol ltar mdzad pa nas bzung / gdan sa 'di nyid du gdung sras rnams kyang 'byung sla zhing sku tshe brtan pa/ phyogs dus kun tu nad mug dang bral zhing lo phyugs rtag tu legs pa sogs dge mtshan gyi dpal dang ldan pa byung ngo / /skyabs rje 'di nyid dgung grangs so gnyis phebs pa chu lug lo nang yab rje khri skyong nyid dang / gcung po kun rin yum mchog zhing skyong dbang mo bcas/ gong sa rgyal dbang srid skyong bcas pa'i gser zhal mjal phyag dang bstan 'gro'i phan bde spel slad dbus phebs dgongs bzhed gnang ste/ gsol gzim ban tshang pa sogs zhabs 'bring pa dang / nye spyod rnams gra sgrig mdzad de phebs par nye ba na bzhi thog tshom bar mgon khang du dbang lha skor gsum gyi cho ga mdzad skabs/ khams pa zhig nas myur mdzad lha mo'i gser sku sgros gtsang spus ldan zhig phul ba 'di rten 'brel shin tu legs/ 'phags ma rig byed lha mo grub pa'i rtags yin gsungs dges par mdzad pa dang / hor zla dgu ba'i