[A:546]dga' ston gyi dpal la rol/ dbus phebs skabs gdan sa 'dir zhabs dkar sprul sku zhes pa'i zog rdzus g.yo can dpon g.yog mang zhig sleb tshod kyang / 'dir bzhugs gdung sras sku mched rje btsun rmol drung 'chi med bstan pa'i nyi ma sogs nas rdzu 'phrul gyi bkod pas btul/ gsar bskrun zhabs brtan lha khang dge legs rgya mtsho'i 'byung gnas rigs gsum gdung rabs char 'bebs su dus dang rgyun mchod bstar chags/ gzhan yang lo ltar cho 'phrul tshes bco lnga bdag khrii mchog dang / mkhan chen sogs chos sde lho byang las tshan ban tshang pa 'dus tshogs bcas nas theg chen sems bskyed rang gis len pa sogs dang / bla ma gong ma'i bstod tshogs dang mchod 'bul sogs zhal 'don gyi rim pa rnams/ 'jam mgon kun blos mdzad pa'i zhal gro mchod 'bul phyag deb bzhin mdzad pa la mchod tshogs/ bsnyen bskur zab pa bcas gnang srol da lta'i bar gnas pa dang / mgon khang bdud dpung zil gnon log 'dren tshar gcod gdung rabs char 'bebs su lo ltar rgyal zla'i nang / dam rdzas bskang gtor nag po mchod bstod bcas gsar 'dzugs lo ltar ban tshang pa stod smad bla khag sogs gtor spod kyi zhal 'don nag po mchod bstod bcu gcig rtsa ltung gi bshags pa grangs shin tu mang ba phyag deb bzhin gnang srol da lta'i bar mchis pa sogs dang / sngon du skyes chen 'ga' zhig la lung bstan zhu gnang la'ang gdung sras 'byung ba gsungs pa dang / nye lam dbus phebs skabs bsam yas chos skyong