[A:547]chen pos kyang / yum gyi lhungs na bzhugs pa 'di yab rje dbang sdud snying po'i rnam 'phrul yin cing / mtshan yang theg chen dbang sdud snying por thogs shig ces lung bstan pa bzhin/ shing sprel hor zla gsum pa'i tshes nyer gnyis la rgyal yul zhing skyong dbang mo nyid las/ gdung sras bkra shis rin chen bltams pa'i tshul rgyas pa 'og tu 'byung zhing / 'khrungs ston sogs dga' ston rgya che bar mdzad/ gang ltar phun tshogs zhabs brtan lha khang bzhengs pa nas bzung yab yum rnams thugs bzhed 'bad med lhun grub tu byung ngo / /de mtshams nas gcung po kun dga' rin chen nas phun tshogs pho brang gsar bskrun gyis zur bzhugs lta bur mdzad rgyur/ de skabs sa gzhung mdzod pa ltsam dral chos 'od zer ram zhabs pad nag po yang zer ba sogs/ gzur gnas rnams nas sku mched rnams thugs 'dod gcig tu las 'di bzhin mdzad tshe/ gdan sa chen po 'di nyid kyi gtam don lar rgyar gang sar gtugs min sogs babs zhus kyis bkag ste phun pho'i rtsig 'gram brus zin pa yang 'gyang dgos byung yang / slar nas kheg pa zhig ma byung ba yin nam/ pho brang gsar rgyag gi bsam lde'i yum nyi zla dbang mo dang bcas lhan gzhugs kyi phun tshogs pho brang du grags pa 'di bzhin byung zhing / sku mched gras mgon po dngos grub dpal 'bar nas phun tshogs bde skyid 'di lte ba yab rje dbang gi mtshan can gyi sku dus spro sang gnang yul du sa gzhung rang nas brgyab tshod kyang de las cung rgya bskyed de sku mched rnams kyi