[A:548]yum rang byon ma bgres ma bcas bzhugs pa dang sku mched gras chung ba/ 'jam mgon kun dga' rgyal mtshan nas bkras brtsegs bla brang nub 'di snga dus yod cing / bkras brtsegs shar ram mchod khang du grags pa 'di bzhin gsal skrun gyis gang gi yul mchog rang byon ma chung ba/ dam tshig sgrol ma bcas bzhugs pa 'di rnams kyi rab gnas bdag khri yab rje padma'i mtshan can gdan drangs te mdzad tshul dang / gzhan yang thang rgyal lha khang ngam/ dmag bzlog lha khang du grags pa 'di yang rten dang brten par bcas yab rje padma'i mtshan can nyid kyis 'od gsal du lha bla'i lung bstan pa ltar/ rten gtso grub chen thang stong rgyal po'i sku sman 'dam las grub pa che ba ring bsrel rnam bzhi'i gong bu can spa tri'i dbus na bzhugs pa dang / logs bris su grub chen nyid kyi sku brgya phrag brdal bar bzhugs pa/ rab tu gnas pa yab rje padma'i mtshan can nyid nas mdzad cing / zhabs brtan lha khang byang ngam mchod khang du grags pa bkras brtsegs 'dra cog mdzad pa 'di'i byang / rje nyid bzhugs yul sgrub phug bkod legs 'di rnams kyang nang rten bcas gsar skrun mdzad cing / gzhan yang zhabs lha dang / dmag bzlog pho brang gnyis char gyi gzim chung thab tshang zhol shag rdo gcal bcas bkod legs 'di rnams dang / khyad par sgrol steng ngam dmag bzlog pho brang gi thog rje nyid kyi gzim phug ldebs bris la rgyun gtan thugs dam gang yin gyi lhag lha'i snang brnyan skya bris su ma tshang ba med pa bzhugs