[A:559]ma tshad ldan du cha mi 'jog pa de ltar na/ da lam rab gnas bya rgyu'i rten 'di la yang pad gdan steng nas dbu gtsug bar la shing tshad zhog cig nan du gsungs pa na bka' bzhin bsgrubs pa/ shing tshad de nyid la kun gyis mthong bar dam phrug gis mnan te/ rab gnas ma grub bar phyag gzhung du bdag po rgyob cig gsungs/ de nas rab gnas sngags gsol grub 'phral du sngar gyi shing tshad khyer shog gsungs te/ rten de nyid la tshad pa'i tshe rten de nyid sngar gyi sku tshad las mtho gang lhag tsam 'phar bas tshang ma rje nyid rten dang bcas par rjes su yi rang gi dad pa skyes/ yang mdzod nag tu rnam sras bskang ba ban tshang pa dang bcas zhag bdun na bza' zab bzhes bcas gnang skabs rgya dpon zhig der lhags nas/ gser dngul ja dar mang ba/ khyad par rdo yi lhung bzed 'bru snas bkang ste phul ba ni/ sngon byung dang mthun par rnam sras dngos mjal lta bur byung ba sogs shin tu dge bar byung ba dang / shing 'brug shing sbrul gang rung zhig la/ rgya dpon chi krung thang du grags pa gong ma chen mos bod kyi las don zhib gcod du mngags pa de bzhin/ 'dir yang gnas mjal yin tshul du byas te 'ongs pa/ rje nyid nas lha chen chibs stegs su bsu bar phebs te yar lam rgya dpon dang phyag bsgrengs te/ phun gling ngos la gzigs shing kun gyis mthong tshul du/ zhabs gnyis mtho gang tsam 'phags shing / bzhin ras las 'od khrom byed pa rgya dpon de dang gzhung sa'i sku drag kun gyis mthong ba dang / gcung kun rin phun