[A:560]gling na yod pas gzigs te/ jo lags ma gi sbug 'dir sku dbang btsan grags pas ma gtogs phyi 'gyang la dang ma byung ka med red gsungs par grags shing / lha mthil khyams stod du mjal dmangs sar rgya dpon rang dang bod kyi bka' blon gnyis/ de dus lha mthil rten bshad sogs kyang yab rje pad ma'i mtshan can nyid nas gnang zhing 'gro mgon chos rgyal 'phags pa'i rnam thar sogs chos dang 'jig rten gyi gsung gleng mang du mdzad pas rgya dpon gyis kyang gus pas btud de/ rje nyid sogs la'ang skyabs rten 'dus tshogs la mang ja dang gser 'gyed btang bar grags pa sogs rang cag tshur mthong gdul bya'i snang ngor/ mthu nus dang rdzu 'phrul rten tshul sgro skur dang bral ba mngon sum tshad mas grub pa rags tsam dang / gzhan yang gsang chab dang ljags sngags bgeg skrod sogs mdzad pas nad las grol ba sogs ni dpag tu med cing 'dir yi ge mang bas ma bkod pa dang / bsam na shes pa'i mngon shes kyis ma 'ongs mngon par mkhyen pa lung bstan tshul yang sku gzhon nu'i dus nas/ gzhan gyis lkog tu ci byas thabs cad mngon shes kyis sgrib med du mkhyen te tsham tshom med par gsungs pas thams cad 'jigs zhum me ba sdod dgos pa gleng ba dang / dus phyis de 'dra gsungs pa mang bas/ tshang ma thog tu khel ba yong tshul dper mtshon na/ phyis su yab rje 'di nyid sgrol ma lha khang du tshe chog sgrol 'don rgyun 'don bzhi grwa dang mnyam 'don mdzad skad la/ de lta'i skabs nang chen bla ma dpal bzang