[A:562]'dra thogs med du gsung tshul mang du 'dug kyang / yi ge mang bas 'jigs nas de tsam dang / kha cig dgos dbang gi rjes su'ang byung shing de lta dam pa'i yon tan bcu gnyis sam dgu ru 'dus pa las/ dang po ltar na/ mkhyen brtse nus gsum/ mkhas btsun bzang gsum/ thos bsam sgom gsum/ 'chad rtsod rtsom gsum dang bcu gnyis/ gnyis pa ltar na/ mkhas btsun bzang gsum sogs dgur bsdus pa las/ thos bsam mdzad tshul sogs gzhan rnams gong gi gseb tshags rnams su ci rigs bstan zin nas/ bsgom sgrub ji ltar mdzad tshul yang gong du brjod pa ltar yab chos yi dam rdo rje gzhon nu dang / kyai rdor/ phyag rdor/ 'byung po 'dul byed/ gur zhal rnams kyi gzhi bsnyen mthar phyin pa mdzad pa dang / gzhan yang rje btsun rig byed lha mo tshe bsnyen sogs/ mdzad pa dpag tu med pa yod pa dang dus rgyun du'ang tho rangs ldang ba'i rnal 'byor gyis bzhengs te tshe sgrub rigs dang thugs dam gyi gtso bo dpal kyai rdo rje'i bskyed rdzogs lus dkyil dang bcas pa bsgoms te/ dbang rgyas pa len par lam dus su grags pa rgyas bsdus gnyis dang / lam zab phyi nang / bir srung phyi nang / bde mchog dril bu lus dkyil lam nA ro mkha' spyod ma'i bsgom bzlas dang bzhi la chag med rnam bzhi grags pa rnams dang / gzhan yang 'jam dpal dkar nag ser gsum khyung khra nag 'byung 'dul/ sil gtor brgya rtsa dkar cha bzhi rdo rje mkha' 'gro'i sbyin sreg sogs grub nas/ mjal phyag dang tshogs phebs dbang dka' rjes gnang tshe dbang / ljags