[A:563]lung sogs gnang dgos grub nas rgyun gtan phur chung gtor bsngo bskang ba thugs dam ma snga dro ma grub pa'i lam dus sogs gnang dgos rnams dang / gur ru drag dmar ri khrod ma mgon po brag rdzong ma'i bsrung bzlog sogs rgyun du nyams bzhes lhag lha rnams sgrol steng gzim sbug gi ldebs bris ji bzhin yin 'dug pa dang / srod la nyal ba'i rnal 'byor gyis gzim ste/ thun mtshams thams cad du rnal 'byor rnam bcu'i dus 'da' ba gzugs sku ma 'dus bar du chag med mdzad pas/ dam pa'i yon tan sa lam mthon por phebs pa gdon mi za zhing rang cag gdul bya'i snang ngor yang / gong 'og rnams su smos pa bzhin/ mngon shes rdzu 'phrul mthu rtsal sogs la thogs pa med pa 'di bzhin byung ba dang / 'chad pa nyi ma'i 'od zer gyis gdul bya'i blo gros kyi pad tshal rgyas par mdzad pa'i tshul yang / sku gzhon nu'i dus nas bzung snga phyi lam 'bras lan lnga tsam gsungs pa/ dang po sde dge chos rgyal tshe dbang rin chen nam/ mjug tu chos sgor zhugs shing rab tu byung ba'i mtshan byams pa kun dga' sangs rgyas bstan pa'i rgyal mtshan nyid kyi gtso bor mdzad/ skal ldan 'ga' la bzhi thog mkha' spyod du gnang ba 'di ni lam 'bras slob bshad yin par gnang zhing / dbang sogs kyi skabs sa phyogs de nyid nas gser sil ma'i tshoms su bkod de phul bar grags pa sogs byung 'dug de rjes khri chen rdo rje rin chen/ bdag khri kun bsod sku mched/ 'di dag gis chos sde lho byang chos lhun pa khams pa grwa rgyun