[A:565]slob lnga rig kun bkras drung / gzhung chen rnams la thos pa mang tsam mdzad tshod kyis gdan sa 'di nyid kyi gzhi len rig bya sogs kyi mtshan nyid rtsod pa'i grwar ma bzhengs kyang sku seng sogs kyi 'bel gtam dang / 'di'i lan du 'di ltar bgyis kyi bka' slob gnang ba rnams kyang rdo rje'i tshig kho na 'ong tshul gsungs 'dug pa dper mtshon na/ snga dus sde dge sa spyod tshe dbang rab brtan sogs nas/ rtsa ltung bcu bzhi'i gzhung 'di la/ sems can kyang sems can yin dgos pa/ 'di la 'bru snon dgos pa 'dug zhus par skyabs rje nyid nas 'di rnams ni khyab bdag rdo rje 'chang gi gsung yin pas khyed rnams rgol na rdo rje 'chang la rgol/ 'on kyang rnam par phye na/ sems can la byams pa spong ba ni theg chen gyi rtsa ba yin pas ltung bar 'gyur bar gsungs pa spyi dang / 'on kyang gdug pa can la byams pa spong ba rtsa ltung bcu par gsungs pa bye brag dbye ma shes pa'i gtam min nam/ des na ngor chen dkon mchog lhun grub kyi gsung rab las kyang / gdug la byams pa spong zhes gang gsungs pa/ /pha rol ngan spyod byed las bzlog phyir te/ /snying nas byams pa spong ba theg mchog gi /rtsa ltung bzhi par rgyud gzhung kun las gsungs/ /zhes bshad pa ma yin nam gsungs pas/ sde dge sa dbang mkhas grub chen po de sogs nas/ skyabs rje'i gsung rdo rje'i tshig rang yin 'dug gsungs shing thal mo spyi bor sbyor ba mdzad cing / gzhan yang de dus kyi sku yon che gras dbu zur bla smon lam bzang po/ dbu zur grags rnam dpon slob