[A:566]chos grags pa/ drung rams pa blo gros chos dar/ drung rams pa zung 'jug rdo rje sogs dang / mdo sngags kyi gzhung chen rnams las 'phros pa'i chos gtam kho na mdzad pa mkhas pa 'di rnams don la 'khrul ba med kyang gnas skabs kyi zhal blangs skyong tshul mi 'dra ba du ma byung yang / skyabs rje nyid nas gsungs pa rnams ni sus kyang rgol du med pa'i rdo rje'i bka' kho na yong tshul de dus la yongs su grags 'dug pa rnams ni/ rtsod pa mdzad tshul rags tsam dang / mkhas pa'i bya ba gsum pa rtsom pa mdzad tshul yang / snga dus dpon slob gnas lnga rig pa'i paNDi ta de nyid kyi drung du thu mi'i gzhung sum rtags dang / slob dpon dbyug pa can gyi snyan gzhung sogs la sbyangs par mdzad pas/ rtsom pa gang mdzad kyang rang gis brjod bde zhing gzhan gyi rnar snyan pa/ rang gzhan gnyis ka'i don 'grub pa zhig tha snyad kyi gzhung lugs shes pa las 'byung ba/ 'jam dbyangs sa paN gyi mkhas pa la 'jug pa'i sgo nas gsungs pa bzhin gyi sngon byon gong ma'i legs bshad dri ma med pa rnams/ gzhan gyi spangs dogs mang po rang mdzad pa mi snang yang yab rje nyid kyi dbu bla sogs kyi gsol 'debs rgyas bsdus du ma/ gtor bzlog sbyin sreg ru mtshon sogs kyi chog sgrigs kha shas gdams bskur gtor gzungs dang snyan dar gyi 'dod gsol sogs pod long tsam mdzad 'dug pa rnams ni/ don zab cing rnar snyan pa sogs mkhas pa'i rnam 'gyur kho nar mchis pa de rnams kyi sku tshe 'di'i mdzad 'phrin rags tsam