[A:568]glo bur du zhing brjes pa'i tshul bstan/ de rnams kyi snga phyir nam mkha' la sprin ya mtshan rmad du byung ba gzhan nas de bzhin yod tshul zhus pa na/ yab rje mchog gi bka' las 'di ni dbyibs gzugs mtshon cha 'dra bas bod la myur du dmag 'khrug 'byung rtags yin cing 'on kyang / rgas po nged thod par sa ma bkab bar la mi 'byung / de nas ltos shig yang yang gsungs pa bzhin/ dam pa gang nyid dgongs rdzogs zin 'phral shing yos lo nang gor bod zing 'khrugs shig byung ba sogs mngon par mkhyen pa'i tshul ni rgyun du gsungs zer/ dgung grangs mtho yang 'di lo snron zla'i ming chen mchod 'bul nyin gnyis char lha chen gral du bzhengs te chos sde lho byang tshogs chen dbus su gsungs gdangs rnams sngon gyi phyag len ji bzhinabaskul bar mdzad/ phur sgrub rol ston mdzad pa sogs sngags 'chang chen po dang 'jam mgon a mes zhabs kyi rnam thar lhur bzhes te gar 'cham sogs la skyon 'don sogs sngar dang mi 'dra ba nan du gnang / chos sde lho byang gi mkhan po brtson 'grus bkra shis sogs la zhing khams gzhan du byon rgyu'i rnam 'gyur kho na gsungs shing / ring min mgon khang khag bzhi sogs la'ang / gtor 'dzugs 'phar ma gnang ste rgyal bstan spyi bye dar zhing rgyas pa/ bstan 'dzin rnams sku tshe zhabs pad yun du brtan pa/ 'gro rnams dus kyi rgud pa zhi nas/ char chu dus babs lo phyugs legs pa sogs bde skyid kyi dpal la rtag tu longs spyod pa sogs/ dar zhing rgyas pa khyad par