[A:570]gang la 'thus/ bstan 'gro'i dpal du zhabs pad bskal brgyar brtan pa'i thugs 'dun gnang dgos gsungs pas/ a bdag gis ku re zhus pa yin gsungs kyang / don la ring min zhing brje rgyu'i dgongs bzhes kho na mdzad/ de nas zhabs brtan lha khang du chibs bsgyur rjes/ nu bo kun dga'i mtshan can de nyid kyis de ring snga dro nas bzung ste jo lags kyi mdzad spyod gang sa nas ha cang legs rgyu ma byung / de 'dra gang yin nam gsungs shing / thugs ngal gyi rnam pa cung zad mdzad par grags shing / de nas zla ba de'i tshes bcu gsum bcu bzhi tsam nas yab rje rdo rje 'chang de nyid cung zad sku khams nyog pa'i tshul gnang ste/ zhabs 'bring pa rnams kyis mjal phyag sogs bkag pa na/ rje'i gsungs las da ni mjal zhu ba thams cad thongs shig gsungs pa bzhin btang ba nas/ rje nyid thugs rgyud 'jam zhing lhod pa dang kun la byams pa'i spyan gyis gzigs shing phyag dbang byin rlabs gsung gleng sogs shin tu rgyas par gnang bas/ mjal mi thams cad kyi dga' mgur yi rang ba'i sems thob par mdzad do/ /de tshe zhag grangs bcu tsam yab yum sras bcas lhan du bzhugs thog rje dam pa nyid nas rang bzhin gyi gsungs gleng dang / skabs re gad mo'i rnam 'gyur sna tshogs sogs dag snang dga' spros nyin mtshan 'da' ba las/ snyung gzhi'i tshul dang zhal gdams bka' mngags sogs nii gsal bar ma gsungs/ yum sras thugs ngal gyur dogs dang zhabs brtan gsol btab yong dgongs pa gor ma chag nyer