[A:574]sprin gyis bskor nas gzhan su yang 'gro sa med pa'i mtshams bcad thog zhag 'ga' song nas spur khang zhal phye ste thugs sras mangga'i mtshan can mchog nas thugs smon dang bcas spur rus rdog gcig bzhes pa de ni/ dbu thod kyi dum bu sor bzhi tsam gyi ldebs la 'jig bral rnal 'byor gyi dbang phyug birWa pa'i bsrung ba thun min gnyis kyi sku'i rang byon shin tu gsal bar byon pa rgyu mtshan 'di la brten nas/ da lta gdung rten gyi bum sgor rnal 'byor dbang phyug gi snang brnyan rten 'brel de la dgongs nas mdzad par gleng ba dang / gzhan yang thub gnas bcu/ sgrol ma dkar ljang gur zhal gyi snang brnyan rang byon du ma grangs las 'das pa sku yi rten du byas pa dang / gsung rten du a li ka li sogs yig 'bru rnam pa grangs med byon zhing / thugs rten du ring bsrel yungs 'bru tsam/ mkhan chen byams pa bkra shis chos 'phel nyid kyi phyag tu babs pa khrus gsol yang yang mdzad pas de las mang du 'phel ba'i lo rgyus kyang snang ba sogs ngo mtshar kyang mtha' klas pa byung 'dug pa bcas/ spur rus rnams mchod phreng dang bcas pho brang du gdan drangs te yang yang sku khrus gsol zhing mchod sprin dang bcas 'gyangs tsam bzhugs pa dang / de nas lha bla'i lung bstan bzhin chos lhun o rgyan lha khang du spur rus mchod sprin dang bcas pa gdan drangs te/ rin chen lnga dang sman phye sogs dang bcas dam pa'i spur rus rnams gad gtsang btul te/ rje btsun 'chi med bstan pa'i sgron ma sogs las can rnams nas/