[A:575]bla ma yi dam sangs rgyas byang sems chos srung nor lha sku spar ji snyed bskrun te tshang mar gser gsol dang bcas rab gnas bsdus tsam gnang nas mchod sprin dbus su bzhugs su gsol/ de ltar sku spur phebs nyin dang dgung zhag so sor mang 'gyed dang skyabs mgon rgyal dbang yab sras kyis mtshon bla sprul khag la bsngo rten dang dgon khag du mar dgongs rdzogs rgya cher gnang tshul zhib tu rtogs par 'dod na/ nang chen bla ma dpal bzang rgyal mtshan gyis mdzad pa'i yab rje mchog gi rnam thar dang / der ma gsal ba rnams de skabs kyi tho gzhung sogs las rtogs par bya ba kho na las 'dir yig tshogs ha cang mang bas ma bris shing / spur tsha sku spar sogs bzhugs pa'i nang rten rnam rgyal mchod rten gser dngul sbrags ma khri gdan man chad gser zangs las grub pa rgyu tshogs che zhing bzo legs pa/ da lta lha thil gdung rten nub du grags pa'i byang ngos bzhugs pa 'di bzhin thugs sras bdag khri mangga'i mtshan can mchog nas gsar bzhengs mdzad pa de'i nang gzungs la bla chen 'phags pa rin po che'i dngos slob zhang brtson 'grus 'bar ram 'jam dbyangs sngon por grags pas bla chen 'phags pa rin po che'i gdung khang kha ma phye ba la yus kyi ngang phyag gyang 'gyel ba ltar 'tshal te gsol ba btab/ gdung khang nas sol ba dang spur rus sbrel rtog gcig 'phur byung ba la slar gsol ba btab ste/ sol ba rnams sor mos brad pas spur rus la rigs lnga'i bzhengs sku shin tu gsal ba rang byon du