[A:578]khrid kyi gdung sras gnyis pa yab rje kun dga' rinachen ni/ yab rje 'gro mgon dbang sdud snying po dgung grangs so gnyis pa kun dga' zhes pa shing pho stag gi lo'i zla tshes la yum la gnod pa med par bde bar bltams shing / sku lus la raka zhag gi thig le thal chen gyi rgyas btab pa'i rjes dang / sku smad stag ris can 'khrungs tsam nyid nas rang byung du yod par grags shing / dus mchod bla brang pa'i gdung rigs 'khrul med la de ltar byung lugs gsungs pa bzhin sku smad stag sham gyi rjes ni yab rje sku mched sogs da bar gdung brgyud phal che bar yod tshul gsungs so/ /yab rje rdo rje 'chang nas mtshan ngag dbang kun dga' rin chen du gsol zhing / gzhan nas mtshan 'di la brten nas sngags 'chang chen po dang sgar chen mthu stobs dbang phyug sogs kyi rnam 'phrul du'ang byed do/ /'khrungs ston sngon lam yul chen ban tshang pas mdos chen zab ris 'cham gzigs dga' ston kyang gzab par gnang ngo / /'di sku na phra mo'i dus yab rje mchog nas dbang rjes gnang sogs dang khyad par gnas lnga rig pa'i ma ha paNDi ta kun dga' bkra shis nyid gong yab rje padma'i mtshan can gyi rnam thar skabs su bshad pa bzhin sku mched rnams kyi yongs 'dzin du bsten te/ yi ge phyi mo 'bri klog snyan sum sogs rig gnas la sbyangs pa rgya cher mdzad cing bar skabs rnams su yab rje sogs dam pa rnams las dbang khrid gdams pa mang du gsan tshul rnams sdeb gcig tu smos na/ yab rje rdo rje