[A:579]'chang dpal ldan chos skyong ngam dbang sdud snying po zhes rgyal dbang padma 'byung gnas dang zhal mi gnyis pa de nyid kyi zhal snga nas la thog mar grub pa'i slob dpon dzAe ta ra'i lugs kyi rgyal dbang tshe dpag med lha dgu'i dbang dang man ngag gi lung khrid rdo rje phur pa'i stod las byang chub sgrub dbang dang / smad las drag po sgrol dbang / mnga' bdag nyang gter gu ru drag dmar gyi dbang lung bcas/ dpal dges pa rdo rje rgyu dus kyi dbang chen rnams rdul tshon kyi dkyil 'khor du bstsal ba dang / slob dpon spyod pa ba'i lugs kyi 'khor lo bde mchog rwa lugs 'jigs byed lha bcu gsum ma/ rta mgrin yang gsang lha dgu rnams kyi dbang chen/ tshe rta zung 'brel/ grub rgyal ma'i lugs kyi tshe dbang byang gter tshe dbang lcags sdong ma/ ras chen dpal 'byor bzang po'i nye brgyud tshe dbang mda' 'phel ma 'bri khungs dag snang sgra mi snyan rnams kyi tshe dbang sbub lugs byad grol/ 'phags yul gyi grub thob brgyad cu rtsa bzhi'i byin rlabs rjes gnang zur bka' gsan gras/ 'jam dbyangs dmar ser dang / smra seng / 'jam nag rta mgrin gsang sgrub/ gtum po khyung lnga/ gser chos khyung khra/ so 'breng dkar mo/ sman bla mched bdun/ rme brtsegs dud kha/ rnam rgyal lha dgu rnams kyi rjes gnang rnams dang / bstan srung dpal ldan lha dmag zor rgyal mo'i rjes gnang / rtsi dmar srog gtad bcas yab rje sku mched nas yab kyi drung du gsan nges dang / smin gling 'dod 'jo bum bzang gi dbang lung yongs rdzogs gsan nam snyam/