[A:581]gsan yig bzhin dang / gser chos mkha' spyod skor gsum gyi byin rlabs dang / nA ro mkha' spyod ma'i nyams khrid rmong chen rje'i bka' chab bzhin/ mkha' spyod skor gsum char gyi gdams skor lung dang bcas yongs rdzogs gsan/ gzhan yang spyod rgyud kyi dkyil 'khor bcu gnyis kyai rdor bka' babs bzhin dpal chen yang dag gi dbang sogs dang gdan sa 'di nyid kyi 'don chog rnams kyi lung la sogs pa shin tu mang bar gsan/ rje btsun de nyid kyi gsan yul/ gong rnams kyi nang nas 'jigs byed gshed dmar skor sogs mus chen chos nyid ye shes las dang / gzhan phal cher yab rje kun blo mchog nas gsan no/ / gzhan yang byang gter byin rlabs thugs dbang 'bring po/ ngor chen rdo rje 'chang gi bka' 'bum gyi lung sogs rgya cher gsan no/ /mchog gi rdo rje slob dpon chen po kun dga' bkra shis drung nas/ lam 'bras tshogs bshad cha lag dang bcas pa 'jam mgon kun blo sogs kyi gsan yig bzhin dang / gser chos dmar po skor gsum rjes gnang rigs dang dkar chag gis zin pa dang ma zin pa'i gdams skor lung dang bcas pa/ bstan srung gur zhal rnam gnyis dbang rjes gnang gdams khrid/ mgon pod me 'bar kha skong / snyan brgyud yang bskong dud pod zhal pod ha nag bcas yongs su rdzogs par gsan kyang bram ze mngag gtad sogs rjes kha shas ma gsan pa mjug tu ngag dbang smin grol rgya mtsho las gsan dgos byung 'dug bstan srung dur bdag chos skor bcas