[A:582]gong rnams nas gsung ngag dmar po skor gsum dur bdag rnams sa chen kun blo las dang / gur zhal rjes gnang rigs phal cher kun blo nas rin chen rgyal mtshan de las dang / be'u bum rnams rin rgyan yan 'dra ba las/ de nas mnga' bdag byams pa bstan 'dzin las gsan 'dug rnam sras brgyud pa kun blo ma bzhugs pas rin rgyal las gsan 'dug gzhan yang spyi bka' sgrub thabs rgya rgyam dang / zur bka'i rjes gnang gong yab rjer gsan pa rnams kyang bskyar gsan bcas deng skabs sgrub btus na bzhugs pa phal che ba gsan par gnang / dbang chen zur bka' bde mchog lu dril lus dkyil sogs dang / gsang 'dus rigs gsum 'jigs byed ro langs brgyad skor dgra gdong sogs gsan yod snyam dang / khro shul bla ma ngag dbang smin grol rgya mtsho las klong chen snying thig gi skor dang / stobs 'phrog zhal bzhi pa'i rnam 'gyur bcu bdun gyi rjes gnang tshang ma yang bskyar gsan pa sogs yongs 'dzin dam pa rnams las dus snga phyi gsan pa rnams 'dir sdeb gcig tu bkod pa rags tsam dang / de nas rtsa rgyud brtag gnyis sogs gdan sa 'di nyid na zhus/ kyai rdor yab yum gsang bde 'jigs gsum nA ro mkha' spyod ma rdo rje phur pa chos skyong gur zhal rnal 'byor kun rig sogs kyi cho ga phyag len dbyangs rol gar 'cham chos spyod rnams dang bcas pa gnas slob drung du sbyangs pa mthar phyin mdzad/ de re re bzhin yab rje rdo rje 'chang la rgyugs sprod 'bul bar mdzad de/ rtsa rgyud brtag