[A:583]gnyis sogs gzhung 'don dang bla mchod sogs chos spyod sgrub mchod rigs dang gtor bzlog bskang ba bcas par tshogs phebs rtag par mdzad cing / nyid kyi dgung grangs bcu gsum bzhes pa'i tshe 'jam mgon sa paN gyi chos khri thang mor cher gcen po dang lhan cig yab rje rdo rje 'chang nas khri 'don mdzad tshul gong gcen po'i rnam thar bzhin dang / de mtshams nas sa skya pa'i 'byung po 'dul byed kyi bsnyen pa zla gang ma dang / de nas dges rdor gzhi bsnyen zla drug ma phur bsnyen zla gsum ma gur mgon brag rdzong ma'i bsnyen pa zla ba gnyis tsam sogs kha skong bcu cha'i sbyin sreg bcas dus grangs mtshan ma'i bsnyen pa bcas gdan thog gcig tu mthar phyin pa mdzad skabs/ dgung grangs bco lnga tsam du phebs pa sa sbrul sa ga zla ba'i tshes bcu drug la/ yab rje rdo rje 'chang de nyid snyigs lnga'i sems can rnams kyi bsod nams kyi ra bar ma chun pa spu dkar bla brang gzhis su glo bur dgongs pa chos dbyings su thim pa'i tshul bzhes par/ gcen bdag khri padma'i mtshan can spu dkar gzhis su tab tab por phebs te/ mchod sprin dang bcas gsol 'debs gdung dbyangs mdzad pa dang / yum sras lhan nas dgongs rdzogs spyi bye brag mdzad tshul rnams kyang gong du brjod pa ltar dang / rje 'di nyid nas kyang gsol 'debs sgrub mchod mang du mdzad yod 'gro zhing / de ltar yab rje o rgyan gnyis pa dbang gi mtshan 'chang gdung rten gyi gcen dang lhan mdzad sgo rnams grub nas/ nyid kyi dgung grangs bcu phrag