[A:589]rlabs thugs dbang / bde mchog nag po lugs/ rwa lugs 'jigs byed lha bcu gsum dang ro lang brgyad skor/ gdugs dkar nyer bdun ma/ kun rig tshe dpag med/ lha dgu nA ro mkha' spyod ma sogs kyi dbang dang byin rlabs sogs pa'ang bstsal zhing gzhan yang sgrub rgya rgyam dang zur bka'i rjes gnang rigs shin tu mang ba/ 'jigs byed rwa khrid sogs chos skor yongs rdzogs nA ro mkha' spyod kyi khrid sogs mkha' spyod skor gsum gyi chos skor yongs rdzogs/ gur zhal rnams sras rnams kyi chos skor yongs rdzogs thengs kha re bstsal ba'i gsung las skyes pa'i slob bu'i tshogs kyang skyabs mchog rdo rje rin chen bdag chen bkra shis rin chen/ bdag cag gi bla ma gang gi rigs sras grub pa'i dbang mo rta mgrin dbang mo'am skal bzang chos kyi nyi ma/ bdag khri kun dga' bsod nams nyid kyi rigs sras rnams dang / snyigs dus bstan pa'i snang byed mtshungs bral 'jam mgon mkhyen brtse dbang po dang / na lendra pa gzim 'og sprul sku bstan 'dzin snyan grags sogs mang tsam gdan sa 'di nyid kyi mkhan po rgya dpon chos las pa sogs bla ma las sne dang grwa dmangs phal che ba'i rigs bdag tu gyur dus rgyun gyi nyams bzhes kyi rim pa yang tho rangs ldang ba'i rnal 'byor gyis bzhengs te tshe sgrub kyi rigs dang de nas lam dus sogs dpal sa skya'i chag med rnam bzhir grags pa rnams dang / sil gtor brgya rtsa dang dkar cha bzhir rags pa gang rigs/ dgong mo gur drag brag rdzong ma rnams kyi nyams bzhes phur chung gtor bsngo