[A:590]chen mo bskang ba rgyas bsdus gang rung res dang brgyad/ bcu bzhi/ nyer gsum/ nyer drug nas bzung gnam gang bar la dus gtor rnams yab mes gong ma'i phyag len bzhin mdzad pa dang / zla re bzhin yar ngo mar ngo tshes bcu gnyis la gu ru drag dmar ram byang gter tshes bcu gang rigs gsol 'debs le'u bdun ma bcas mdzad skad thos pa bcas grub mtshan brnyes tshul gong 'og gseb tshags rnams su cung zad song zhing stod phyogs rnams su grub rtags 'jog pa 'di zhes gsal bar ma rtogs shing mngon shes mnga' tshul cung zad go thos byung ba dper mtshon na/ dpon slob bzod pa phun tshogs nas dpal mgon zhal bzhi pa'i chos skor sngon du yongs rdzogs gsan zhing de'i mjug tsam zhig la gzhan zhig la gnang zhor du phu gsum pa kho re mjug ma rgod bro mo yong ngo tshar cig nyon gsungs nas/ dbang yon che ba 'bul rgyu med kyang yang bskyar nan gyis gnang ba ni dus phyis zhal gyi chos skor de nyid srog nas zin te/ gdung brgyud rnams dang bu slob bcas par gnang 'dug pa las deng sang ma chad tsam byung ba mkhyen pa 'di 'dra ba mang du yod tshod kyang mdor bsdus de tsam bcas/ de rnams kyi rnam thar sgro skur dang bral ba cung zad brjod zin nas/
mthar mya ngan las 'das tshul ni/ nyid kyi dgung grangs drug cu re gsum du phebs pa me pho 'brug gi lo shar ba na spyir de skabs shing yos gor bod zing gzhi mjug tu khel ba dang / sgos su dus dbang dmag 'khrug ma