[A:593]phyag len gdangs dbyangs rol sogs la brdar sha gcod par mdzad cing / nyid kyi dgung grangs brgyad du phebs pa'i tshe/ 'jam dbyangs bla ma'i chos khri mkhas pa zil gnon du grags par yab rje mchog nas gcen po gdung sras zung dang lhan du khri 'don mdzad tshul gong gcen po padma bdud 'dul dbang phyug gi rnam thar skabs rgyas par smros pa bzhin dang / de mtshams nas gsan sbyangs 'phro rnams mdzad thog yab rje rdo rje 'chang sogs dam pa 'ga' zhig la sa skya pa'i yab chos dbang lung sogs gsan pa'i tshul yang phal cher gong gcen po sku mched kyis gsan pa phal che ba 'di nyid kyis gsan te thos bsam mthar phyin par mdzad pa dang / sgom sgrub mdzad tshul yang snying po kyai rdo rje/ phur pa gur mgon brag rdzong ma/ nyang gter gu ru drag dmar rnams kyi dus grangs mtshan ma'i bsnyen pa kha skong sbyin sreg dang bcas pa mthar phyin par mdzad pa dang / rje nyid dgung grangs bcu gnyis su phebs pa'i tshe yab rje rdo rje 'chang nyid 'dul bya rtag 'dzin can rnams chos la skul phyir du yongs su mya ngan las 'das pa'i tshul bstan pa yum sras rnams dang / sa gzhung bcas nas dgongs rdzogs ji ltar sgrub tshul rnams gong du gleng ba bzhin dang / de nas rje nyid dang rgyal yum rang byon ma bgres pa skal bzang bde skyid bu khrid dang sku mched rje btsun ma skal tshul mar grags pa bcas phun bder gtan bzhugs mdzad thog yum sras rnams kyi drung sngon la zhal ja bcu gsum du grags pa'i ja