[A:592]khrims dbang mor grags pa yab rje dpal ldan chos skyong dgung grangs zhe drug tu phebs thog bltams pa/ sbas pa'i rnal 'byor ma sku shin tu btsun zhing byang chub sems ma zhig byung bar grags zhing / sku tshe yang ring po son cing phun bder bzhugs pa de nyid dang rgyal yum de nyid kyi sras bzhi pa ni/ yab rje dpal ldan chos skyong ngam dbang sdud snying po dgung grangs so dgur phebs pa blo ngan zhes pa lcags mo bya yi lo zla tshes dge bar 'khrungs shing / mtshan mgon po dngos grub dpal 'bar du gsol bar mdzad de chos 'khor lhun po phyag 'debs pa po kun mkhyen chen po'i dngos slob gzhung brgya pa dngos grub dpal 'bar gyi sprul sku ngos 'dzin zhing / 'khrungs ston du da lta mgon mdos zab ma grags pa'i rgyun 'di bzhin thog mar mdzad skad dang / gzhon nu'i dus nas rgyal ba'i bstan pa rin po che'i sgor zhugs nas rab tu byung ba mdzad de/ bslab pa srung ba la nan du mdzad pa dang lhan cig dpon slob lnga rig kun bkras drung du yab rje sku mched dang lhan du yon tan gyi phyi mo 'bri klog sogs dang / de nas rim bzhin chos sde lho byang thun mong gi chos spyod rab gsal tu grags pa dang / rtsa rgyud brtag gnyis bde kyai gsang gsum rdo rje phur pa gur drag kun rig nA ro mkha' spyod sogs 'don chog rigs rnams rim bzhin thugs blor bzung ste yab rje rdo rje 'chang gi drung du re re bzhin rgyugs 'bul mdzad/ chos sde lho byang thun mong dang chos byang bcas kyi tshogs dbur phebs thog