[A:600]phyug mdun/ bde mchog lo nag dril gsum lung dang bcas pa bde mchog bong zhal/ gsang 'dus 'jam rdor dang spyan gzigs rnams kyi dbang lung sogs gsan/ dga' ldan dpon slob bstan pa'i rgyal mtshan mdun nas gsang 'dus 'phags lugs sa skya bka' 'bum lung sogs gsan yod dam snyam zhing / dpon slob shes rab 'od zer du grags pa las gur mgon khro bcu'i rjes gnang brag rdzong ma phyi nang gsang gsum nyams khrid zhal shes dang bcas pa sogs dang rjes gnang zur bka' 'ga' zhig bcas gsan pa de dag ming tsam du mi 'gyur ched/ bsgom pas thugs nyams su bzhes pa'i tshul yang shrI he badzra dang / badzra ki la ya/ gur gyi mgon po rnams kyi gzhi'i bsnyen pa sbyin sreg dang bcas pa mthar phyin par mdzad pa dang / gzhan yang 'byung po 'dul byed la sogs pa yi dam 'ga' zhig gi bsnyen sgrub kyang mdzad pa sogs mtha' yas shing / de ltar skabs su babs pa na gdan sa 'di nyid na bzhugs pa'i rdo rje phur pa la sogs pa sgrub mchod rnams kyi rdo rje slob dpon mang du gnang ste/ skal ldan rnams smin grol gyi lam la 'god par mdzad cing / gzhan yang gdan sa 'di nyid kyi phyag len phur sgrub skabs dge 'dun rnams gdugs tshod gsol ring sngon byon dam pa gong ma'i gsung rab legs bshad kyi skyes 'bul bar bshad las par grags pa dang / de nas rim bzhin rdo rje phur pa chos skyong gur zhal sogs kyi mdos gtor 'phen gnang gis bstan dgra gdug pa can rnams skad cig gis