[A:601]rdul du brlags te/ sems rgyud byang chub kyi lam du bkri bar mdzad par las rim du grags pa rnams sla bcos dang babs col ma yin par phyag len rnam par dag cing / de dang de la dgos pa'i dmigs rim rnams ma 'khrul zhing dngos gzhi dmigs med byang chub sems kyi rgyas theb pa'i 'dzin med kyi lta ba'i ngang du yun ring du 'jog pa/ rgyal bas rgyud sde rin po che rnams nas ji ltar gsungs pa rnams ma 'khrul bar mdzad rtags su las rim rjes tsam zhig la/ yab rje gcen po padma'i mtshan 'chang nyid kyis 'di lo'i las rim pa g.yag dpon gsod rgyal zhes pa nad mnar gyi tshab tu sku rim chen mo'i zor las pa nged gnyis nus pa 'gran pa yin gsungs te/ phur bzlog 'phar ma'i slob dpon 'di nyid nas gnang ste kun rar dgra ling la 'gugs gzhug mdzad skabs/ e ram e ram sogs gsung thos pa tsam gyis de na yod pa'i chog gra zhabs 'bring pa sogs tshang ma 'jigs shing skrag nas kun gyi bzhin ras lta mi bzod pa dang / 'gugs gzhug gsum po re re'i mjug tu mchis par gyur cig gsungs pa dang bstun/ phyogs bcu nas rlung nag 'tshub cing dgra bgegs kyi ling steng 'khyil ba dang chabs cig rje nyid kyi sku tshad kyang che cher 'phags pa sogs/ tshang mas de ring de 'dra'i sku'i gzi mdangs gang yin 'gro 'am zer ba byung ba sogs dang / gzhan sgrub mchod dang las rim sogs kyi rdor slob gnang skabs sogs la yang 'di'i mtshon te shes par bya ba las 'dir yi