[A:607]bka' drin bskyangs shing / de rjes bde dges gsang gsum 'jigs byed bdag med ma nwa ro mkha' spyod/ kun rig rdo rje phur pa rnams kyi sgrub dkyil dang / chos skyong gur zhal sogs kyi gtor bsngo bskang ba rnams dang bcas tshang ma thugs blor bzung ste/ bdag khri las tshan bcas par re re bzhin rgyugs 'bul mdzad cing de bzhin gar 'cham dbyangs rol sogs slob dpon mkhas pa'i drung du sbyong brdar yang dag mdzad nas/ phur sgrub sogs tshogs dbu so sor phebs shing bar skabs rnams su yab rje rdo rje sku mched sogs las dbang chos kyang mang du gsan pa rnams sdeb gcig tu bkod na/ de yang yab rje rdo rje 'chang padma bdud 'dul dbang phyug mthu stobs bstan 'dzin bzang po'i zhal snga nas las snga phyi gsan skor/ rje nyid dgung grangs dgur phebs pa sa mo phag gi zla tshes dge ba nas 'jigs bral dpal ldan chos skyong bzhed gzhung ngam gdams ngag lam 'bras tshogs bshad dbang byin rlabs lung sogs cha lag dang bcas pa rjes gnang spyi bka' sgrub thabs brgya rtsa'am/ ba ri brgya rtsar grags pa'i rjes gnang don brgyad/ nyang gter gu ru drag dmar gyi dbang / snub lugs byad grol gser lde/ ri khrod ma ser mo/ rta mgrin pad byug can/ seng gdong sngon mo/ gur drag rta mgrin skyer sgang lugs/ rnam 'joms ba ri lugs grub chen brgyad cu'i byin rlabs rnams gsan/ yab rje dam pa kun dga' rin chen drung nas snga phyi gsan skor gong lam 'bras skabs ma gsan pa'i sa lo man gyi rnam