[A:606]8 ngag dbang rdo rje rin chen/
rgyal yum dam tshig sgrol ma'i sras chung ba ni/ rje btsun a bi da la'am mtshan dngos padma 'phrin las su grags pa ste sku mched byon pa rnams sras yum rje btsun ma bcas bkras brtsegs bla brang du bzhugs shing / 'jam mgon dbang sdud snying po nyid kyi rigs sras bgres pa padma bdud 'dul dbang phyug dang / ngag dbang kun dga' rin chen zung gi bdag mo rig 'dzin snying ri bskal bzang padma bu khrid kyi rigs sras gsum pa me byi lo rje btsun mchog gsum bstan pa'i sgron me zhes pa 'jug zhal gro lha khang gi nub ngos su bzhugs pa de nyid rigs sras gsum pa 'khon ston ngag dbang rdo rje rin chen dpal bzang po nyid/ de yang myos ldan zhes pa sa mo yos lo'i zla tshes la sku bltams shing / yab yum nas mtshan ngag dbang rdo rje rin chen du gsol te/ 'khrungs bsangs dang / 'khrungs ston sogs kyang rgyas par mdzad ces grags shing / dgung grangs drug bdun tsam la sku mched gnyis char la gnas slob blo gros rgya mtsho nas yon tan gyi phyi mo klog sogs dang / rim bzhin chos spyod rab gsal brgyud 'debs chen mo/ rtsa rgyud brtag gnyis sogs phul te/ yab rje bdag chen mchog gi dbus chos byang las tshan bcas par rgyugs 'bul sogs sngon byon gong ma'i bzhed srol nyams med mdzad rjes/ rgyud 'debs tshogs dbur phebs te/ sngon lam zhal bzhes sogs