[A:628]bzhengs te sngon gyi phyag len bzhin dbang rdzas 'grims pa phyag rgya sogs gang yin yang gcig bsdus lta bu ma yin par slob ma re re'i mdun du gnang ba sogs rje btsun 'di lta bu ni don dam par rdo rje bdag med ma dang / rgyal yum rdo rje phag mo sogs kyi ngo bor bzhugs pas/ tha dad ma mchis kyang bdag sogs tshur mthong gdul bya'i snang ngor mthong tshul rags tsam dang sngon du yab rje grub pa'i dbang phyug padma bdud 'dul dbang phyug nas mkha' 'gro ma bye ba 'bum sde'i sprul pa gcig tu bsdus pa yin pas/ bstan 'gro la phan bde 'byung bar lung bstan pa ltar/ thub bstan lha chen mkhan rabs so bzhi pa byams pa bkra shis chos 'phel/ 'dzing phu mkhan po kun dga' bstan pa'i blo gros rnams las sdom gsum rim gsan gyis rgyun du yang lam 'dus/ lam zab bir srung mkha' spyod ma rnams kyi nyams len dpal sa skya'i thugs dam chag med bzhir grags pa rnams kyis mtshon tshe sgrub rigs sogs nyams bzhes chag med du mdzad pa dang / brgyad/ bcu bzhi/ nyer gsum/ nyer dgu sogs la bstan srung rgya mtshor bskang 'phrin sogs chag med mdzad pa mthong zhing / snga phyir lam 'bras tshogs bshad lan mang ba bdag sogs la lam 'bras slob bshad yongs rdzogs lan gnyis/ spyi bka' rdo rje phreng ba'i dbang lan gsum tsam mkha' spyod skor gsum dang / lhag par nA ro mkha' spyod ma'i byin rlabs khrid lung bcas shin tu mang ba gzhan yang bde mchog lu nag dril gsum/ 'jigs byed ro langs brgyad skor