[A:629]dang lha bcu gsum ma/ gshed dmar lha lnga/ ra khrid mkha' 'gro snyan brgyud/ ra spod rnams kyi lung dang / kyai rdor bka' babs bzhi/ mgon po'i dbang chen lnga/ gdugs dkar nyer bdun ma/ mi 'khrugs lha dgu/ sbyong dkyil bcu gnyis sogs dbang chen rigs shin tu mang ba/ shangs chos ni gu chos drug gi dbang khrid byin rlabs spod lung sogs/ gur zhal dmag zor ma sogs bstan srung / rnam sras rigs can bco lnga sogs nor lha'i rigs bcas kyi bka' gtad rjes gnang sogs grangs kyis mi langs ba stsol bar mdzad pa'i slob ma ni/ dbus gtsang khams gsum na bla ma grwa pa khyim bdag rang ga ba sogs bsam las 'das shing / gdan sa 'di nyid du ni bdag khri kun bsod sku mched yum rje btsun ma bcas dang / yab rdo rje 'chang sku mched yum rje btsun rnams dang / bdag khri 'jam dbyangs sku mched rje btsun rnams dang bcas chos sde zung gi mkhan thog bkra shis chos 'phel man gyi mkhan thog dang / dpon slob sogs grwa bgres phal che ba nyams len sogs kyis dben kyang rje nyid la dad gus kyis gsol 'debs la brtson pa bdag lta bus mtha' rten pa'i slob ma dang yang slob kyis sa steng phal cher du khyab pa 'di rnams so/ /de lta'i rje btsun dam pa bdag cag rnams kyi rmol drung de nyid dgung grangs drug cu re gcig tu phebs pa me sprel chu stod zla ba'i tshes nyer gcig la 'phel rgyas bla brang du dga' ldan lha yul du slebs song gsungs pa sogs