[A:627]len du shar mar sdebs pa de ltar lags kyang bdag gi bla ma de nyid ni gong ma rnams las ldog te ci yang mi mkhyen pa'i tshul kho na ston par mdzad de/ go don sogs kyi cha 'ga' zhig la bka' 'dri zhus kyang tshur 'dri ba skad mdzad pa dang nged la mngon shes med ces rgyun bar bka' stsol zhing nan tar zhus na sho mo gza' bdun 'khor spar mo sogs mdzad de gang babs gsal bar gsungs par thos shing yang snying gang gsungs thams cad thog tu 'babs yong zhing / dbang rjes gnang khrid la sogs mang po sngon gyi dpe rnying 'chings mdor bsdus tsam yar len mar len mang du dgos pa rnams kyang chad lhag med par thogs med du gsungs pa las the tshom cung zad kyang mi mnga' zhing / ljags lung gnang skabs ha cang myur ches pas tshig mi gsal ba dang dal che bas mi lhogs pa lta bu ma yin pa/ tshig sgra dag cing gsal ba ring thung gcod mtshams rnams bar 'byed cing / skabs re chos zhu ba rnams la gzigs shing bzhad mo mdzad bzhin du thal le gsungs pas/ po sti gcig tsam tshegs med pa srib tsam la gnang grub yong ba sogs nges don gyi rje btsun ma 'di lta bu ni/ kho bos kyang dbus gtsang khams gsum gang du sngar phan mthong ma myong zhing / dbang chen rnams dang rjes gnang byin rlabs sogs gang mdzad kyang sla chos gtan nas mi mdzad par/ 'go'i mchod bshams sogs nas bzung mjug chog bar la gzhung nas bshad pa bzhin nan cher mdzad de/ dbang chen sogs la