[A:630]dag snang du ma'i ngang nas mya ngan las 'das pa'i tshul bstan/ dgongs rdzogs zhabs 'jug rnams ni phun bde dang 'phags bdag phun pho bcas nas sgrub sku spur dang spu rus phebs bsu skyel sogs la mchod phreng sogs gdung rgyud bzhin mdzad cing / zhal bzhugs dus kyang rje btsun gzhan par sngar srol med kyang / 'di nyid gdung rgyud rnams kyi dbu blar gyur pa sogs la dgongs te gdugs dang rgya gling sogs sku gdung dang 'dra ba bsnams chog par mdzad do/ /nang rten nA ro mkha' spyod ma'i dngul sku da lta lha chen o rgyan lha khang du bzhugs pa 'di'o/
yum nyi zla dbang mo'i sras gnyis pa rje btsun skal bzang bstan 'dzin dbang mo ni bkras brtsegs bla brang du bzhugs shing gdung rgyud gcung po phyogs kyi glang po'i gdung rten bzhengs par mdo smad glang nag dgon du phebs par mdzad pa de nyid yin no/ /
2 ngag dbang kun dga' bsod nams/
yum mchog nyi zla dbang mo'i rigs sras gsum pa ni/ yab rje ngag dbang kun dga'i mtshan dgung grangs zhe dgur phebs pa dge byed ces pa chu pho stag lo'i 'go zla'i tshes bcu gnyis la ngag dbang kun dga' bsod nams bltams pa/ yab rje sku mched sogs nas 'jam mgon a mes zhabs kyi rnam 'phrul du ngos 'dzin mdzad cing/ tshe dpag lha dgu dbang dang