[A:631]'khrungs bsangs 'khrungs ston bcas rgyas par mdzad pa dang / gzhon nu nyid nas gnas kyi slob dpon drung klog yig sogs dang / ring min sngon lam bzhin rtsa rgyud brtag gnyis/ rdo rje phur pa/ kyai bdag rnal 'byor gsum/ gsang bde 'jigs gsum chos skyong gur zhal dang bcas pa'i gtor bskang sogs thugs mtshor bzung ste/ bdag khri ngag dbang rdo rje rin chen sogs dang / chos byang las tshan rnams dang bcas pa'i dbus su re re bzhin rgyugs 'bul mdzad de/ tshogs dbu so sor phebs shing de nas 'byung po 'dul byed dang dges mdzad rdo rje/ rdo rje phur pa/ gur mgon sogs kyi gzhi bsnyen snga phyir mthar phyin par mdzad pa'i bar skabs rnams su/ rdo rje phur pa gur zhal rnams kyi gtor bzlog bskang ba 'go lugs bstod rnying sogs rgyugs sprod snga ltar mdzad nas/ phur sgrub chen mo'i tshogs dbus su gsung bshad dang gur mgon khro bcu drug cu ma sku rim chen mo mgon mdos zab ma dus mchod 'dus sde zab ma'i tsi dmar gtor bzlog rnams kyi zor 'dzin dang / de nas mgon po zhal gyi sgrub bsnyen sngon 'gro'i dngos gzhi gtor mdos zung 'brel rgyal chen bse khrab pa phun pho dang bsam brling du dmag zor gtor bzlog rnams sgrub 'phen mdzad ngos/ lha mo rje khol zung gi mchod 'dus sgrub 'bul gnyan mgon dam tshig bskang gso rnams sngon srol nyams med kyi rdo rje slob dpon mthar phyin/ de nas phur sgrub dang dus mdos kyi tshogs dpon rdor slob 'gan bzhes mdzad ces