[A:643]rje mchog bdag khri'i go sar bzhugs te chu sprel chu bya gnyis kyi dbus phebs chen mo gnyis la nyid kyang mnyam du phebs te/ gzhung zhabs sogs la'ang phebs skad 'dug dam pa gong ma rnams las snga phyir yab chos rnams gsan bsam mdzad gras/ yab rje rdo rje 'chang kun dga' bsod nams las snga phyir lam 'bras tshogs bshad dang / rdo rje phur pa stod las byang chub sgrub dbang dang / smad las drag po sgrol dbang / bde mchog nag po lugs/ gsang 'dus 'phags lugs/ kun rig sogs dbang chen rigs dang / sgrub thabs brgya rgyam sogs rjes gnang spyi bka' rigs dang zur bka'i rigs kyang sngags 'chang yig steng nas gtor bsngo chen mo'i rjes gnang rigs sogs dang / gur zhal gnyis kyi chos skor yongs rdzogs gsan/ rje btsun mkha' spyod dbang mo mi yi tshul bzung ba rta mgrin dbang mo skal bzang chos kyi nyi ma'i drung nas/ lam 'bras slob bshad/ spyi bka' rdo rje'i phreng ba'i dbang chen/ mkha' spyod skor gsum/ dmar po skor sogs gser chos rigs rnams gsan/ gzhan dpon slob shes rab sogs 'ga' re nas gsan nam snyam/ snga phyir dges rdor gzhi bsnyen dang / rdo rje gzhon nu/ gur zhal/ 'byung po 'dul byed rnams kyi bsnyen sgrub sbyin sreg bcas mdzad cing rdo rje phur pa'i sgrub mchod tshogs dbus su gsung bshad kyi dga' ston grub nas/ gur mgon khro bcu dang / drug cu ma lha brgyad gtsub lugs kyi gtor bzlog sku