[A:644]rim chen mor grags pa'i phur bzlog mgon mdos zab ma/ mdos sde zab ma/ zhal bzhi ba'i rten mdos zung 'brel/ rgyal chen bse khrab pa/ phun pho dang bsam brling du dmag zor gtor bzlog sogs so so'i bsnyen sgrub kha gso'i zor 'dzin gyi rim pa dang / lha mo rje khol gyi mchod mdos/ gnyan mgon zhal bzhi ba'i dam tshig bskang gso sogs rdo rje slob dpon gyi mgon bzhes rnams rim par grub nas/ ring po ma 'gor bar yab rje rdo rje 'chang dag zhing du phebs nas/ dgongs rdzogs sogs mdzad sgo rnams gong bzhin bsgrubs nas/ stod phebs thog mar gnang skabs tsam la yin nam/ mtsho sgor drag po'i sbyin sreg mdzad pas 'dre srin gnas khar la gnam lcags kyi thog dbab pa dang / gtor zhabs las bdud rtsi zil pa la sogs pa byung gleng dang / de nas gdan sar phebs nas khri phebs chen mo'i mdos zab dang / shing sprel rta zla'i nang yab rje rdo rje 'chang sku mched/ 'jam dbang sku mched/ dam pa'i rigs su skyes kyang yon tan gyi dri mas dben par ngos rang bcas lnga sdebs gcig tu 'jam dbyangs sa skya paNDi ta'i chos khri mkhas pa zil gnon nam/ 'khor lo gsum ldan nam/ thang mo cher grags par mtshan mchog gsum ldan gyi gser khrir mnga' gsol tshul rnams 'og yab rje kun dga' snying po'i rnam thar lo rgyus su gsal ba bzhin dang / de nas phur sgrub slob dpon thog ma dang / de rjes su lan kha shas gnang zhing / dus mdos