[A:662]tshogs dbus gsung bshad kyi dga' ston stsol ba dang / de nas rim pa bzhin/ zla dus so sor gur mgon khro bcu dang / drug cu ma/ sku rim chen mor grags pa'i phur bzlog mgon mdos zab ma/ rtsi dmar gtor bzlog zab ma/ zhal bzhi pa'i gtor mdos zung 'brel/ rgyal chen bse khrab dang / dmag zor ma'i gtor bzlog rnams kyi zor 'dzin/ lha mo rje khol zung gi mchod mdos/ gnyan mgon gyi dam tshig bskang ba rnams kyi rdo rje slob dpon gyi khur bzhes mdzad de/ de nas phur sgrub dang dus mdos bla ma gong ma rdo rje 'chang dang zhal mi gnyis rnams kyi dus mchod rgyud sde khag mang gi slob dpon sogs mang du gnang ba cho ga phyag len dbyangs rol gar 'cham bcas par rang gzhan thams cad la bstan pa'i mig rgyan du phan par mdzad do/ /de nas nyid kyi dgung grangs bcu bdun pa kun ldan gyi yab rje rdo rje 'chang padma'i mtshan can nyid slar yang gong sa thams cad mkhyen pa mjal phyag dang dbus gnas len du phebs bzhed skabs/ rje nyid dang yum mchog zhing skyong dbang mo bcas ston 'khor bstar sgrigs kyi phebs lugs rnams chu lug bzhin mdzad de/ bar lam rong nang brgyud dgon gnas khag gi gnas gzigs sogs rim gnang gis lha ldan du phebs skabs thab bsu/ phebs bsu rtse shod bka' shag bcas nas ja zhus mtshams dar sogs sngar lam bzhin stsol thog bzhugs mtsher gang du gnang ba ma gsal yang / dga' ldan khang gsar du bzhugs