[A:663]med dam snyam/ de nas rim bzhin gong sa thams cad mkhyen pa tshul khrims rgya mtsho/ srid skyong mtsho smon gling pa rnams mjal phyag sogs dang / jo shAka rnam gnyis kyis mtshon gnas rten khyad par can rnams kyi gnas gzigs mchod 'bul khrus gsol rab gnas sogs bstan 'gro yongs kyi bde thabs la phan bzhed rnams grub nas/ gzhung gi zhabs brtan gnang tshul ma gsal yang mang du gnang bar gzhir grub pa bcas/ gzhung sa mchog nas zur gsos snga phyi bar gsum dang thon phyag mjal sogs bstsal te/ bsam yas sogs lho gnas rnams su rim par phebs/ de skabs yar lung shel brag rten brten pa bcas pa mjal bar dam pa de nyid dang / gang gi yum mchog zhing mchog dbang mo/ gnas chos grags pa sogs dpon 'khor rags bsdus shig phebs te/ o rgyan rin po che'i drung du tshogs brgya dang gsol 'debs le'u bdun ma zhal 'don mdzad pa'i tshe o rgyan rin po che'i sku brnyan byin can de'i zhal bsgyur cing / zhal rgyan 'gul ba ltar mdzad par/ rdo rje 'chang de nyid phyi rol ma dag pa'i snang ngor mnal du cung zad phebs pa dang / dag pa'i snang ngor 'od gsal du mjal bar mdzad pa de'i tshe/ o rgyan rin po che'i zhal dngos su gzigs rgyu yin pa gdon mi za/ de skabs phyi nang gi mi mang las dag min sna tshogs yod pa la brten/ zhal gzigs kun gyis mthong snang rang ma byung rung / brag phug gi yang thog nas tshe chu dbu thog tu tsheg sgra