[A:666]shing du gyur cing / de ltar mdzad pas ga la 'thus kyi bka' bkyon ldog ma nus pa sngags 'chang dge bsnyen rdo rje 'dzin pa'i go sar mi bzhugs thabs med kyi rgyal khab bka' dgongs/ sngar lo la sing dpung 'jug mdzad skabs/ gangs ri ti se dang / mtsho ma dros pa sogs gnas rten rnams la khrus gsol rab gnas su phebs dgos bka' bsgyur spyi phebs kyis de bzhin zhu bar stod phyogs la chibs bsgyur gyi gong gsal bka' dgongs rnams dang / mnga' ris skor gsum gyi gdul bya rnams kyi bde thabs la brtson bzhugs skabs gdan sa 'dir rdo rje rin chen nyid khri 'dzin dgongs zhu mdzad par brten/ 'di ga'i lha mi sde 'bangs bcas nas da cha gdan sa'i 'dzin skyong gnang ba po skyabs mgon bkra shis rin chen 'os pa zhig yin zhes rgyal khab tu snyan phul bzhin bka' dam bstsal bar brten/ yab rje mchog nas gdan sa'i khur bzhes mdzad dgos kyi bka' yig phebs don bzhin gdan sar shar phebs kyis skyabs mchog de nyid dgung grangs nyer bzhir phebs pa shing sbrul lo mjug g.yul thang 'ong bzhes la dar 'dzugs dang / khri phebs chen mo gnang zin/ stabs dus mdos zab chung sogs mdzad/ rgyal zla'i gza' tshes dge bar skyabs mchog de nyid bla chen 'phags pa rin po che'i bzhugs khri ga la bar zhabs zung mngon par bkod de/ yab rje grub pa'i dbang phyug ban tshang pa dang bcas pas slar yang gangs ljongs bstan 'gro'i mgon dpung