[A:667]du mnga' gsol te shis brjod me tog 'thor ba mdzad nas/ dga' ston gyi dpal la rol bar mdzad do/ /de skabs tsam la gong ma chen mo'i bla mchod lcang skya rin po che 'di phyogs phebs pa yab rje sku mched rnam gnyis mjal ba dang / gnas gzigs sogs mdzad nas rje 'di la zhing skyong rtsa turmu kha'i chos skor 'ga' zhig gsan/ dngul bre chen gcig gis gtsos 'bul nod bsam gyis mi khyab pa phul zhes kyang grag go de'i sngon tsam du mdo smad khul nas nges pa don gyi thams cad gzigs pa 'jam dbyangs mkhyen brtse dbang po/ 'phan yul nA lenDa nas mkhas grub bstan 'dzin snyan grags sogs/ skyes chen du ma rim phebs kyis phan tshun dbang bka' mang po gsan bzhes kyang mdzad do/ /de nas sa sprel rje nyid bdag mo rje btsun ma bcas lha ldan rgyal khab chibs bsgyur rgyu'i lam gtor sogs sngar lam bzhin rim mdzad kyis/ /'di ga gdan sa nas zla ba brgyad pa'i zla phyed tsam la sgar sgrigs kyis chibs bskyod de bar lam paN chen rin po che mjal phyag dang / bla brang mchog nas kyang bkur bzos sngar lam ltar zhus shing / de nas rong brgyud tha skar zla ba'i tshes dgu la lha ldan du phebs/ gzhung sa mchog nas skyid tshal klu lding du thab bsu/ rtse shod bka' shag bcas so sor nas ja zhus mtshams dar 'bul ba so sor nas mgron gnyer re phebs shing / phebs bsu ba drung skya ser so sor nas bco lnga re bstsal te pho brang sku mdun brgyud bzhugs tshe dga' ldan khang