[A:679]bzhin dgongs dgos zhes zhus pa na/ bdag nyid chen pos bka' bsgo byin rlabs nad bdag la gtor ma sogs mdzad pas bal po'i dpon nad las thar te/ sa skya bdag chen gyis bdag 'chi ba'i 'jigs pa las bskyabs par gyur to/ /zhes gsol zhing dad gus kyis 'bul nor bsam gyis mi khyab pa phul ba dang / skyabs mgon rtse shod nas kyang legs gsol stobs pa sogs bsam gyis mi khyab pa dang / skye 'gro mchog dman kun gyis bdag chen rin po che la nad de ga'i skyon ye nas ma byung bas so skye tha mal ga la yin zer/ 'di ni nges par slob dpon rin po che'i gangs can gyi mgon skyabs su sprul par gdon mi za'o/ /'di skabs kyang mjal phyag sogs dang sngar lam sne shan thab bsu skyel chibs zhabs/ sne shan lam yig zur bzos sogs sngar lam bzhin bstsal ba'o/ /de nas gzhung zhabs ji snyed mdzad dgos rnams grub ste thon phyag sogs sngar bzhin zhu gnang gis sngar lam lho gnas gzigs te gdan sar phal cher sngar bzhin gyis gdan sa chen por phebs tshul sngar bzhin dang / 'di skabs bzhugs gnas rdo ring du gnang zhing / sne shan kyang de nyid yin skad/ yang lcags bya lo lha ldan du zing gzhi cung zhig byung bar bdag nyid chen pos bab bsed zhu yig rten bcas khungs so sor phul bas 'dus sde rnams mi phyed pa'i dad gus la bkod de/ zhu lan legs pa dang / maNDal rten gsum bcas phul zhing / slar zing gzhi je gyes su song ba na/ gzhis