[A:680]rtse spyi khyab mkhan po/ bla brang phyag mdzod no mi han gyis gtsos gtsang khul gtso drag rnams dang / bod gzhung am ban zung bcas nas kyang chings sgrig la phebs dgos 'byor don bzhin dang / sgo rum ye shes mgon po'i drung du brtag sgril mdzad pas/ byon pa legs tshul thon pa bzhin/ bdag nyid chen po lha ldan rgyal khab chen por phebs/ rtse shod am ban bcas la 'byor phyag mdzad/ de skabs bzhugs gnas ra shag tu mdzad de/ sa dbang bshad sgra dbang phyug rgyal po dang / bdag nyid chen po gnyis thog mtha' bar gsum gyi bka' mchid mol te/ chings sgrigs kyi zhabs 'degs su lha sa bla brang gi yang steng tshoms chen du/ drung spyi sogs che btsan khag mang dang / bla ma las sne sogs brgya phrag lnga tsam tshogs pa'i dbus/ bkra shis lhun po nas sngags chen/ gsol dpon mkhan po sogs dang / ser smad sngags grwa dang bcas pa'i las sne sogs bar mi mtha' dag lhan rgyas mdzad/ bdag nyid chen po bzhugs khri padma ra ga'i mdangs ldan shin tu mtho brtsegs yod pa'i steng du gdan drangs te/ sku gzi mdangs 'bar zhing 'gying bag gi tshul dang / thugs g.yo med ngang nas/ der yod kun la zhal dkyil gyi 'dzum mdangs ngom bzhin par spyir sems can gyi las mthu dang / bstan pa'i sku gegs yin tshul sogs bka' 'dom la 'dus che ba kun gyi rna dbang du 'jebs pa dpag med mdzad pa dang / slad char yang snying sngon du yi ge phul ba ltar tshang mas